I
Kri kri kri kri kri kri
Echu eo an amzer griz
Skiltr o mouezh, un dudi
Holl skrilhed al lannegi
O kanañ a-bouez-penn
— Ur mor a gri —
O c’hanenn :
Kri kri kri kri kri kri
II
Kri kri kri kri kri kri
Bleunioù aour war al lann kriz
Dous o frond : un dudi !
Mezv skrilhed al lannegi !
Ma kanont a-bouez-penn
— Ur mor a gri —
O c’hanenn
Kri kri kri kri kri kri
III
Kri kri kri kri kri kri
Distro eo an amzer griz
En oaled, un dudi
Setu krog skrilhed an ti
Da ganañ a-bouez-penn
— Er voger bri —
O c’hanenn
Kri kri kri kri kri kri.
1añ a viz Gwengolo 1965
